අඹ යහළුවෝහි නිමල්

චානක බණ්ඩාරගේ

සුනිල් සහ නිමල් එකම අඹ ගෙඩියට පොර බැදුහ.

අඹ ගෙඩිය චප්ප වී තිබුණි. එය තවදුරටත් කෑමට නොහැක.

 එම ගෙඩිය නිමල් සුනිල්ට දිගු කළේය, ‘අරගන්න, අප්පෝ’ කියා කීය.

ලැජ්ජාවට පත් සුනිල් අහක බලා ගත්තේය.

අඹ ගෙඩිය මුලින්ම දුටුවේ සහ ඇහිදින්න ගියේ නිමල්ය. සුනිල්ටද එය උවමනා විය.

සුනිල් පොහොසත් බලවත්, පවුලක ළමයෙක් විය. නිමල්ලා ඉතාම දුප්පත්ය.

සුනිල් සිතුවේ එය අයිති තමනට කියාය.

ඒ ශ්‍රී ලංකාවේ හැටිය.

සුනිල් කල දේ වැරදි යයි කීමට කිසිවෙක් ඉදිරිපත් නොවේ.

යම් හෙයකින් සුනිල් කල දේ නිමල් කරන්න ගියා නම්?

කිසිදාක එවැන්නක් සිදු නොවේ.

අප සමාජය ඉතා විෂමය. දුප්පත් නිමල්ට සුනිල් මුලින්ම දුටු, සහ ඇහිදිමට දිව ගිය අඹ ගෙඩියට සටන් කිරීමට ඉඩ නොදෙනු ඇත. එසේ කලේ නම් නිමල්ට පාසැලෙන්, සමාජයෙන් පමණක් නොව ඔහුගේ පවුලෙන්ද දැඩි දඬුවම් හිමිවෙනු නිසැකය.